föðurlandssvikari

Reykjavíkurferð plönuð.

2010-03-14T15:02:00.000-07:00

Litur í hár - - - - - tjekk

Litur á augabrýr - - - - - tjékk

Sturta - - - - - - in progress

Brúnkukrem - - - - - á áætlun

Hmmmm, finnst eins og ég sé að gleyma einhverju.....

Ah, pakka!

Manngæska.

2010-03-06T12:47:00.001-08:00

Margt af því sem mér þykir að í heiminum í dag er sprottið af skorti á manngæsku. Í dag hitti ég mann sem virðist hafa rúmlega sinn skammt þó.

Eins og alþjóð veit þá lenti Hallur minn í leiðindar óhappi á skíðum, þar sem hjálmur er talinn hafa bjargað lífi hans.

Eftir fréttaskot af atvikinu setti hjálmasölumaður sig í samband við forstöðumann skíðasvæðisins okkar og bað um að komið yrði á fundi því hann langaði að gefa Halli hjálm.

Mér datt auðvitað strax í hug að þetta væri einhver stórverslunin sem vissi hverra manna ég væri og vildi fá auglýsingu, og satt að segja þótti mér það ekkert slæmt þannig. En það var nú öðru nær, verslunin sem gaf honum hjálminn samanstendur af einum manni. Sem virðist skv rannsóknum mínum vera mikill frumkvöðull á skíðasviðinu, og virtist ekki hafa nokkra einustu hugmynd um það hver ég er. Eftir að ég komst að þessu þá eiginlega líður mér hálf óþægilega verð ég að viðurkenna, skíðahjálmar eru ekki beinlínis gefins (nema jú í þessu tilfelli :P) og ég ímynda mér að veltan í skíðahjálmum sé ekki það stórkostleg hjá þessari litlu verslun að það skipti ekki máli fyrir þá að missa tekjur, þó ekki sé nema af einum hjálm. Því miður virðist verslunin ekki vera með vefsíðu, en fyrir ykkur sem leggið leið ykkar á Dalvík, þá mæli ég hiklaust með að þið skoðið verslunina Sportvík ;)

En við mæðgin fórum semsagt á skíði í dag, og ég fann mig í tveimur hlutverkum að auki við þau venjulegu: Bjargvættur skíðasvæðanna og ofur verndandi og skíthrædd mamma. Tók af mér hjálminn sem ég var svo dugleg að fá lánaðann og lét á ungan dreng sem var í fyrstu skíðaferðinni sinni. Svo tók ég mömmu hans á teppið og sagði henni að ef hún útvegaði sér ekki hjálm á barnið þá myndi ég lemja hausnum á henni við stein. Já eða næstum því, benti henni allavega á að það væri hægt að fá þá lánaða :P

Sonurinn mátti ekki svo mikið sem horfa á stólpana sem hann skíðaði svo skemmtilega á, þá var ég komin við hliðina á honum og truflaði hann heilmikið. Næst ætla ég bara ein, já eða þar næst.

Show off!

2010-01-14T18:20:00.000-08:00

Ég, undirrituð, kann að hekla.

Ester kom hér við í kvöld, og eftir að hafa brotið 3 rauðvínsglös, 2 flöskur af breezer og að lokum rauðvínsflöskuna á hausnum á mér náði ég þessu! Jiii, ég finn mig í vel yfir meðal mörkum meðalgreindar núna!

Er mest sár út í Sillu sem virtist ekki þykja það neitt óeðlielgt að mágkona hennar misþyrmdi mér svona hrottalega. En hey, tilgangurinn helgar meðalið, ikke?

Ástin og lífið

2010-01-14T06:24:00.000-08:00

Þegar ég var "yngri" var ég viss um að ég myndi þekkja væntanlegan maka á því að hann hefði ör í laginu eins og hálft hjarta á hökunni, sumsé hinn helminginn af mínu hálfa hjarta, og því að hann myndi syngja fyrir mig I was made for loving you.

Gummi er bara með skegg á hökunni, og hefur bara einusinni sungið fyrir mig, martraðir mínar snúast að miklu leiti um að hann geri það aftur.

Á ég að dömpa honum??

Dularfulla hvarfið- KEPPNI

2009-12-11T18:03:00.000-08:00

Ég tek upp poka, fjarlægi stera úr honum, tek stautinn úr pakkanum og hendi (pakkanum sko)

Dammdarammmm... hvað gerði ég við elskulega stautinn sjálfann?

Dregið verður úr innsendum lausnum eigi síðar en 30. Desember.

*vinningshafareigamögulegamöguleikaáeinhverskonarvinningíeinhverjuformi*

Erill daganna.

2009-12-11T14:28:00.000-08:00

Síminn hringdi hér í dag, Hallur svaraði og blaðraði heil ósköp. Svo kallaði hann á mig, og sagði mér að pabbi hans væri í símanum.

Ég tók auðvitað við tólinu, og mér til undrunar heyrði ég ókunnuga rödd tala:

Hæææ.

Ég; uuhh, hæ.

Viðm. Hvað segirðu?

Ég; Baraa, allt gott..

Viðm. Saknarðu mín?

Ég: Eh, jah,. sko, hver er þetta?

Viðm. Hló, gott að þú þekkir eiginmann þinn.

Ég: Já, ég þekki hann, það er mér meira áhyggjuefni hvað sonurinn virðist illa kannast við pabba sinn.

Viðm, hahahaha, já annars heiti ég ***** og hringi frá stöð 2.

Ah, ég elska fólk með húmor. Elska líka syni með húmor.

Ég hef þó örlitlar áhyggjur af því hvað sonur minn á auðvelt með að ljúga blákalt!

Annars er nú bara allt við það sama hér. Ég er í keppni, keppist við að baka svo mikið að ég nái ekki að borða það allt, það er að ganga! Ég kann vel við að sigra sjálfa mig í keppni.

Eins og alþjóð veit (nema aparentlí pabbi) þá er von á jólasveininum í nótt. Ég nýti mér jólasveinana alveg, mér þykir ákaflega vænt um þá þjónustu sem þeir bjóða mér.

Ég er auðvitað búin að vera í allan dag að minna börnin á að jóli komi í nótt, og að oþekk börn fái ekkert fallegt í skóinn. Marinó sá hins vegar vel fyrir þessu, hann hoppaði fram úr rúminu, lék sér alveg hinn hressasti, þegar ég benti honum á að hann væri A, óþekkur og B, hann myndi missa af jólasveininum brosti hann sigri hrósandi. Neinei, ég er búinn að gefa jólasveininum svo mikið af kökum að hann verður að gefa mér mikið í skóinn!

Ég hef það eftir nokkuð öruggum heimildum að hann fái gott í skóinn blessaður, þrátt fyrir örfáa hnökra :P

Bara til að hafa þetta allt á hreinu

2009-11-28T10:45:00.000-08:00

Þá er ég byrjuð, í bili allavega, að blogga hér aftur. Undanfarið ár hef ég notað til að íhuga og spegúlera í gæðum bloggstaðanna og komst nýverið að þeirri niðurstöðu að bakgrunnurinn hér er mikið krúttlegri, þó er blogg slóðin auðvitað kolröng, því ég er orðin pottþéttur icesave meðlimur sem borgar með brosi á vör. Ég ætti jafnvel að breyta slóðinni í www.égborgaæsseif.blog..?

Við mæðgur erum á leið í konu orlof í óttalegu borginni núna strax eftir helgi. Ég er búin að prjóna ferðadress fyrir hana, pakka fyrir hana, skipuleggja í hvaða fötum hvaða daga hún ætlar að vera og er að prjóna húfu í stíl við ferðadressið. Ég hins vegar hef ekki pakkað svo mikið sem sokkapari fyrir mig, hvað þá skipulagt. Ég er samt viss um að ég næ að pakka báðum buxunum mínum áður en ég hoppa upp í vélina.

Nýr skriftarstaður

2008-12-04T13:45:00.000-08:00

Ég hef ákveðið að leggja mitt af mörkum í krísunni á Íslandi og blogga íslenskt.

Nýtt, og jafnvel kannski enn skemmtilegra blogg, allavega íslenskara er:

www.fodurlandssvikari.bloggar.is

Rosir og radisur

2008-11-01T02:45:00.000-07:00

Eflaust kominn nogu langur timi fra sidasta bloggi.

Her i DK er klukkunni breytt i samræmi vid dagsbirtu. Akaflega snidug tilhugsun, og eflaust mjog snidugt fyrir folk sem tekur tatt i breytingunum.
Sidasta sunnudag hættum vid ad vera 2 timum a undan Islandi og urdum bara 1 tima a undan, flestir her i borginni toku fullan tatt i tessum breytingum, ekki eg. Eg auglysti rebelisma minn i ollum teim fjolmidlum sem eg hef adgang ad, nema augljoslega blogginu minu, og sagdist ekki taka tatt i tessari faranlegu hringavitleysu med timann.

A manudagsmorgun svaf eg svona lika svakalega yfir mig, vaknadi ekki fyrr en kl 8, hrokkladist fram og gekk æpandi um alla ibud til ad vekja afleggjarana og koma teim ut sem fyrst til ad takmarka skadann af yfirsofelsi minu, og nadi ad koma teim ollum ut a halftima!

A leidinni nidur gotuna mætti eg nagronnum minum, sem eru ekki likleg til ad sofa yfir sig, og gengu tarna i rolegheitum og fullkominni harmoniu vid sofandi umhverfi sitt.
Eg stoppadi bilinn og sagdi hikandi ad eg gæti ekki truad tvi ad tau hefdu lika vaknad of seint og væru a nakvæmlega sama tima og eg...

Mer bra svolitid tegar tau duttu i jordina i hlaturskrampa, tegar tau nadu ad koma upp ordunum "gleymdirdu nokkud ad breyta klukkunni" a milli hlatursroka ta vard eg bara ful og brunadi i burtu.

B0rnin nadu ad koma a rettum tima, eg hinsvegar var svo eftir mig eftir tetta ad eg akvad ad taka mer fri og hugga mig i IKEA. Manninum minum til mikillar gledi og anægju.

Annar í þrítugsafmæli.

2008-09-28T07:02:00.001-07:00

Fyrir ári síðan varð ég þrítug. Það reyndist mér töluvert þungbært.
Þar sem ég var þá nýflutt í nýtt land þá þekkti ég ekki marga, bakaði eina köku og hélt lítið en notalegt kaffiboð fyrir báðar konurnar sem ég þekkti þá.

Í gær varð ég 31.
Ég ákvað að hafa óformlegt kaffi, þeir sem áttu leið hjá fengu náðarsamlegast kaffi og jafnvel köku með. Ég fékk ansi marga góða gesti, sem tóku sig saman og gáfu mér pening með skýrum fyrirmælum um að honum bæri að eyða í hluti fyrir mig (er í alvöru hægt að fá betri gjöf??)

Jæja, við hjónin ákváðum að gera okkur kveldið að okkar líka, fengum barnapíu og skutluðumst út að borða og eftir það ætluðum við heim til Gullu og Svenna og fá okkur í aðra tánna (eða þú veist, ég þarf að gera það fyrir okkur bæði og fæ mér þess vegna í báðar) og jafnvel kíkja á bæjarrölt.

Þegar við komum heim til Gullu tók hún á móti okkur... og heill hópur af fólki sem öskraði SURPRIIIISEE!!

Guði sé lof þá er eg enn ung á sál og líkama, annars hefði ég örugglega verið úrskurðuð látin af völdum hjartaáfalls á staðnum.

Skammt frá því að segja að kvöldið var alveg hreint dásamlegt, brjálæðislega skemmtilegt og endaði ekki fyrr en um 5 í morgun þá eftir bæjarferð með ansi skemmtilegum hópi.

jahá

2008-09-19T02:09:00.000-07:00

lélegur bloggari eg!

En jæja, það er ekki eins og ég hafi ekkert annað að gera en að blogga endalaust sko!

Það er búið að vera óvenju mikið að gera hjá mér undanfarið, við Guðlaug ákváðum að leggja land undir fót þegar við fengum óheyrilega gott tilboð á flugi til London. Ákváðum að skella okkur í menningar og hvíldarferð fyrr ofurþreyttar mæður sem eiga menn sem eru mikið í burtu´, nýr klúbbur sem við vorum að stofna. Við erum 2 í klúbbnum, ekki það að ofurþreyttu mæðurnar sem eiga menn sem eru mikið í burtu séu ekki fleiri, en við erum fúlar út í hinar því þær eru í London núna, þannig að þær fá bara alls ekki inngöngu í bili.

Ég verð að segja ykkur ferðasöguna síðar, ég erekki viss um að kennarinn verði voðalega glaður að sjá mig glósa á bloggsíðu...

Nýr áfangi

2008-09-02T11:45:00.001-07:00

Ég hef nú náð enn einum áfanga í þyngdartaps leiknum mínum, núna eru kílóin orðin 36 sem ég hef losað mig við á undanförnu rúma ári (eða eru þau orðin 2?) það er bara heilt módel!

Næsta takmark er þegar kílóin eru orðin 40. Þá fer ég niður fyrir næsta tug.

Furðulegasta er að mér líður ekkert grennri en ég var. Mjög skrítið. Finn jú auðvitað fyrir því að ég get keypt föt í búðum í staðin fyrir seglagerðinni, og ég get staðið upp án þess að fá verki. Ég get líka gengið svolítið án þess að andast úr mæði. Það er gott.

En ég lít enn niður og sé bumbu. Reyndar fattaði að það er því brjóstin á mér eru horfin. Mig vantar lýtarlækni, einhver sem býður sig fram?

Jæja þá

2008-08-31T04:51:00.001-07:00

Sonur nr 2 byrjaði í skóla í síðustu viku, ég byrjaði í skóla í síðustu viku. Sem betur fer lítur þó út fyrir að ég verði búin á undan honum.

Ætli ég útskrifist ekki á svipuðum tíma og sonur 1.

Við mæðgin deilum þeirr skoðun að skólinn sé fremur þreytandi en skemmtilegur.

Fyrsta kennsludags þess 6 ára þurfti ég að skutlast til hans með bók, kl var 08:40. Þegar gaurinn sá mig stóð hann upp, tók töskuna sína og sagði; Guði sé lof að þú ert komin, ég er orðinn alveg dauðþreyttur á þessum skóla! Ég kæfði hláturinn og frussaði út úr mér að það væri eins gott að hann vendist þessu, það væru 10 ár eftir hjá honum!

Við erum bæði alltof ungleg til að hægt sé að trua því að hann sé í skóla!

Hver sullaði stubbabúðingnum?

2008-08-21T00:01:00.000-07:00

Á mánudaginn byrjar fjörið! Já, fjörið..

Nú eru drengirnir mínir búnir að vera í skóla í örfáa daga og mig langar strax að láta þá flytja þangað alveg.

Morgnarnir eru skelfilegir, ég ætla ekki einusinni að hugsa um það hvernig þeir verða þegar ég þarf líka að taka mig til en get ekki stokkið út með maskara niður á varir og í náttfötum.

Ég læt klukkuna hringja kl 06:00. Vakna á slaginu 06:45, stundum er ég óvenju hress og fer fram kl 06:40. En það eru undantekningartilfelli.

Ég byrja á að fá mér hjartastyrkjandi kaffi og sígarettu. Fer svo beinustu leið í að koma litlu krúttlegu, skemmtilegu og yndislegu sonum mínum framúr. hálftíma eftir að ég byrja á því langar mig að skvetta yfir þá köldu vatni. fjörtíuogfimm mínutum eftir byrjun dreg ég þá fram á hárinu.

Í hvert skipti sem þeir skríða út úr bílnum á slaginu kl 8 fyrir utan skólann langar mig til að segja þeim upp störfum.

Ég skil ekki grimmdina í heiminum, afhverju er verið að leggja svona morgunfúla einstaklinga á morgunfúlar mömmur??? Ég er viss um að það eru til fullt af ægilega morgunhressu fólki sem myndi ekki langa til að gefa börnin sín eftir svona morgna. Afhverju eru morgunfúlu börnin ekki send þangað??

En jæja. Halldóra mín (sem heitir reyndar Hahobina) horfir á stubbana velta vöngum yfir því hver í ósköpunum sullaði stubbabúðingnum um allt. Þeir rekja slóð stubbabúðings á mjög prófessjónal hátt, nudda hökur og klóra hausa. Merkilegt að þeir skuli ekki fatta að þeir eru 3 að rekja, þá vantar bara einn, sökudólginn sjálfan.
Eg fór í klippingu í gær. Breyttist svo í Jón spæjó við að horfa á stubbana. Smitaðist af ofur spæjara hæfileikum þeirra.

Oh hvað ég er íslensk.

2008-08-08T07:51:00.000-07:00

Korteri fyrir lokun síðasta daginn arkaði ég inn í skólann minn nýja til að láta vita að ég ætlaði sannarlega að vera með í skólanum.

Og jú, þetta REDDAÐIST!

Í kvöld verður svo haldið uppá afmæli, í dag hefði langamma mín orðið 98 ára ef mér reiknast rétt. Og ef eg man rétt, sem þarf alls ekkert að vera og er reyndar alls ekki líklegt. Í dag er samt dagurinn, það er klárt.

Wuhuuuu

2008-07-30T06:23:00.001-07:00

Í póstkassanum biðu mín þær gleðifréttir að ég hafi fengið inngöngu í skólann. Ákaflega skemmtilegt.

Ooog það var mark!

2008-07-17T10:45:00.000-07:00

Já eða ekki. Mér tókst örugglega að plata einhvern sem liggur núna í krampakasti og heldur að ég sé farin að horfa á fótbolta. Heitir það ekki annars fótbolti þar sem heilmargir ótrúlega hrikalega flottir rassar elta kringlóttan hlut og sparka svo í hann?

Glöggir lesendur hafa væntanlega tekið eftir því að ég er flutt í borgina.
Nú langar mig að bera saman búsetu í sveit og búsetu í borg.

Í sveitinni hafði ég ákaflega marga nágranna, og reyndar sambúendur ef út í það er farið, en enginn þeirra neitaði að skila börnunum mínum boltanum sínum og sprengdu hann. Kalkúnarnir voru fyrirtaks nágrannar, ekkert partystand og ekkert tuð.

Enginn þeirra kom froðufellandi af bræði gargandi og hótandi ef kötturinn minn sat uppá grindverkinu þeirra, já ok þeir áttu ekkert grindverk og ekki ég heldur en þú veist..

Kalkúnarnir gengu aldrei svo langt að leggja nánast hendur á börnin mín. Það gerir nýji dásamlegi nágranninn alveg hiklaust ef honum býður svo við.

Enginn kalkúnanna var með unglinga á sínum snærum sem hótuðu börnunum mínum. Því miður á fólk það hér í borginni.

Ég hef fengið ansi margar hugmyndir og ábendingar um það hvernig ég get verið sjálf nágranni frá helvíti, t.d setja sykur í bensíntankinn hans, það er reyndar á planinu, stela börnunum hans, því miður á hann ekki börn og ég hugsa að þau væru alveg jafn leiðinleg og hann ef hann ætti þau svo ég geri ráð fyrir að það plan myndi enda með að skaða mig meira en hann.
Hann á reyndar hund, ákaflega hvimleiðan og illa saman settan, kannski að ég prufi að stela honum einhverntíman, verra að kötturinn myndi eflaust éta hann..

Þó eru allar líkur á því að ég sé nágranni frá helvíti án allra tilrauna til þess, 4 börn eru ekki beinlínis þægilegir nágrannar fyrir mann sem augljóslega kann ekki vel að meta börn. Hah, þetta var heppilegt!

Af einu okkar eru þó bara gleðifréttir, Halldóra hefur fundið sér maka! Frekar óheppilegan að mínu mati, hann er töluvert eldri en hún, í sambúð og á börn sem eru fædd um og eftir aldamót. En henni verður ekki haggað, Axel skal það vera!

Erfitt að ýta á takka

2008-07-05T09:35:00.000-07:00

og það getur vafist fyrir sumum. Það tók internet kompaníið mitt 2 vikur að ýta á takkann sem færði internet tenginguna mína frá A til B.

Ég hef reyndar þessar 2 vikur íhugað hvers vegna í ósköpunum ég notaði ekki þetta tækifæri til að færa mig, en það getur reyndar líka verið erfitt :Þ

Akkúrat núna er ég sumsé búsett í Álaborg. Ákaflega notalegt og skemmtilegt og allt of gott veður til að hanga inni og blogga, reyndar er líka alltof gott veður til að vera úti, en það kemur niður á sama stað, of gott til að blogga.

"Vilt stelpu eða strákadót?"

2008-06-09T11:11:00.001-07:00

Ég ætla ekki einusinni að reyna að útskýra það hvað þessi spurning pirrar mig ótrúlega á makkdónalds.

Hvað með strákana sem vilja mikið heldur dúkku en bíl? Eru þeir verri en aðrir strákar því þeir falla ekki inn í það sem yfirleitt er kallað norm? En stelpurnar sem vilja bíla en ekki dúkur, eru þær minni stelpur fyrir vikið?

Aðeins ein spurning enn, AFHVERJU erum við enn stödd þarna árið 2008?

Ég var stelpa sem lék mér í bíló og bjó til götur úr moldarhaugunum við hliðina á húsinu okkar, ég átti fullt herbergi af dúkkum og barbí, var jú og er kvenkyns og átti þ.a.l að hafa gaman af þeim, en ég lék mér sjaldan að því, mamma jafnaði sig alveg á því þegar systir mín litla fæddist og uppfyllti allar kröfur um normal stelpu.

En ég er enn kona, ég hef alltaf verið kona. Mis kvenleg en alltaf með tilheyrandi áhöld, er alveg fullkomnlega sammála kynsystur minni þarna:

http://www.visir.is/article/20080609/FRETTIR01/564523408

Það er tvennt sem ég ætla mér að setja í lög þegar ég verð stór, ég vil að fólk fái að vera eins kven-eða ókvenlegt og því langar frá fæðingu burtséð frá kyni, og ég vil að allir foreldrar ungra barna séu skyldug til að taka 2 fríhelgar á ári. Jú og ég vil að samkynhneigðir fái að ættleiða, og gifta sig í kirkju. Sjitt ég verð að fara að drífa mig í að verða stór! Mikið að gera!

Voteygður hvolpur

2008-06-05T14:06:00.000-07:00

Af nokkrum er hann aleinn eftir. Hann grætur þegar nýjir foreldrar sækja systkini hans en skilja hann eftir, hver veit hver framtíðin hans verður, eða hversu löng hún verður ef enginn finnur hjá sér rými í hjarta fyrir þetta svona líka fallega kríli.

Sjáðu! Oh ég myndi sko kaupa hann ef ég væri ekki svona langt í burtu og þyrfti ekki að láta hann hanga í sóttkví lengi lengi.

P.s hann fæst á kynþokka afslætti. Minni á að kynþokki er afstæður.

p.p.s www.difn.dk

Minni á.

2008-06-04T09:10:00.000-07:00

Ég er í keppni við hana Guðnýju vinkonu mína um hvor okkar fær fleiri tikk frá bloggunum okkar inná síðuna okkar, hún að vísu veit ekki af þessu öllu, eða jú reyndar veit það núna, kíkið á og sjáið snilldina: www.difn.dk

Mæli hiklaust með vefstjórnunarforritinu Oliver, við erum svo heppin að hafa aðgang að snillingnum sem þróaði það og misnotum okkur hann alveg grimmt. Eins ættleiddum við síðugerðar snilling, ég mæli líka með honum og skal segja ykkur hvað hann heitir meira en Gústi alveg um leið og ég man það.

Jájá

2008-06-02T13:18:00.000-07:00

Þá kemur blogg. Lyklaborðið mitt tók uppá því að bila. Elgiganten er hræðileg búð.

Hér hefur ekkert voðalega mikið gengið á, einhver átti afmæli, örugglega Hallur. Hann á alltaf afmæli.

Við fórum til Þýskalands, og ég get sagt ykkur að núna er ein heil manneskja sem heldur að ég eigi ótrúlega vel upp alin börn!

Í miðbæ bæjarins sem við gistum (gæti ekki munað nafnið á bænum þó líf mitt lægi við) fann ég uppáhalds búðartegundina mína; yfirtroðfulla skran búð, og sú búð skartaði ótrúlega heppilegri búðarkonu, hún alveg smell passaði þarna inn.

En jæja, ég náttúrulega gat ekki annað en kíkt þarna inn, en að fara með börnin mín í uppáhalds búðartegundina mína er bara ekki svo auðvelt, þau hafa öll svokallaða val-heyrn, útiloka ýmis hljóð sem þeim langar bara alls ekki að heyra, svo sem röddina mína.

Fyrir utan héldum við nokkuð ákveðna ræðu yfir þeim, ef þú.. þá! Ef þú... ÞÁ! og Ef Þú VOGAR þér! Mjög skilvíst.

Þegar inn í búðina var komið byrjuðu drengirnir auðvitað að fikta, strax búnir að steingleyma öllum ÞÁ-unum. Dóran var svo þreytt að hún lá hálf mókandi í fangi föður síns og þagði aldrei slíku vant. Gummi leit á þá og hvæsti nokkur vel valin íslensk orð sem enduðu á HENDUR Í VASA!

Það skildi heppilega afgreiðslukonan alveg. Hendur í vasa já. En það sem gerði hana alveg agndofa var að hendurnar héldust virkilega í vösum! Hallur minn átti ákaflega erfitt með sig og reyndi að fikta með nefinu sem fylltist þó fljótelga af ryki svo hann hætti því bara alveg.

Á meðan var afgreiðslukonan upptekin við að undrast þetta svakalega góða vald sem við höfðum yfir börnunum, "Wúnder braaaa" "Mútsjó komplinentó!"

Hún var svo yfir sig hrifin af þeim að hún gaf þeim fullan poka af brjóstsykrum.

Úff þið hefðuð átt að sjá svipinn á henni þegar þeir þökkuðu fallega fyrir sig á þýsku. Þá var hún alveg unnin. Ég hugsa að hún hefði gefið okkur búðina ef þeir hefðu beðið um hana (note to self, fá strákana til að biðja um svona búðir í þessum aðstæðum)

Ég mæli með mútur punktakerfi fyrir alla foreldra. Litlu englarnir mínir enduðu á að fá fallega gjöf fyrir punktana sína í enda ferðarinnar :Þ

Já og ég á nýja myndavél! Svona sem þarf ekki filmur í, mér tókst þó að láta framkalla eina. Get alltaf notað það í skrappið :Þ

fínasta myndavél :D

Lífið í svefni.

2008-04-21T12:36:00.001-07:00

Ég hef alltaf hagað mér undarlega í svefni, undarlega er reyndar kannski aðeins of vægt til orða tekið.

Ég hef vaknað sitjandi á klósettinu með moggan og kexköku, ég hef vaknað kviknakin um hávetur úti í dyrum að leita að eiginmanninum sem lá sofandi í rúminu mínu, ég hef séð menn, konur, dýr og skordýr í herberginu mínu. Sá einhverju sinni dreka skríðandi á veggnum við rúmið mitt, ég hef ekki tölu á því hvað ég hef rekið eiginmanninn oft úr rekkju til að reka í burtu innbrotsþjófa sem ég sé.

Yfirleitt er þetta bara fyndið. Reglulega er hér rifjað upp þegar ég settist upp í rúminu okkar og starði inn í næsta herbergi, eiginmaðurinn vaknaði og spurði varfærnislega hvað væri um að vera. Núh ég er að horfa á hundana.

Hundana spurði hann, enn varfærnislegra en áður.

Já, sérðu þá ekki, þeir liggja þarna!

Enn með sömu blíðlegu rödd og áður til að henda mér ekki endanlega fram fyrir línuna sem skilur að geðveiki og geðprýði spurði hann, hvernig heldur þú ástin mín að hundar hafi komist þangað inn?

Ég leit á hann eins og hann væri fábjáni, heilalaus hálfviti sem ekkert vissi; Þeir komu með geimskipinu AUÐVITAÐ!

Ég hef líka reynt að bakka rúminu mínu út úr herberginu, ég fattaði það ekki fyrr en ég var búin að vera vakandi í dágóða stund að rúmið færi ekki neitt.

En jæja. Í dag gerði ég stórmerka uppgötvun.
Fyrir nokkrum vikum varð myndavélinni minni það á að vera fyrir drottningunni, sem auðvitað kastaði henni í gólfið sem varð til þess að hún brotnaði, myndavélin altso, drottningin er enn heil.
Ég hef ekki tekið neinar myndir síðan, ef frá eru skilin skiptin sem ég hef náð að plata vélina út úr Unni.
Í spjalli við tæknifatlaðan vin talaði hann um að láta framkalla myndir. Framkalla? Hvað meinar þú maður, fólk setur myndir í tölvuna og gleymir þeim svo þar! Þannig gerum við í nútímanum!
Jáá, nei ég á bara svona filmuvél muldraði hann og í því rann upp fyrir mér ljós, bwah, ég á þessa líka stórgóðu Canon filmuvél! Rándýr og ægilega flott, hvað er að mér? Þannig að nú á ég bara eftir að finna fornverslun sem selur filmur, þá er ég góð. Hah.

Jæja. Ég fékk kvörtun um of stutt blogg í gær, held þetta sé alveg örugglega í fyrsta og eina skiptið sem ég er ávítuð fyrir að tala of lítið. Ég vona að þetta dugi.

Ég heyri mjög vel.

2008-04-14T12:15:00.001-07:00

You are a dog

Or maybe you are a mosquito, you certainly can't be human.

The highest pitched ultrasonic mosquito ringtone that I can hear is 21.1kHz

Find out which ultrasonic ringtones you can hear!

Sumarið kynnir komu sína sannarlega.

2008-04-12T14:28:00.000-07:00

Hún var í mestu makindum að hengja upp þvott eins og sannri móður og húsmóður sæmir, í sól og voryl þegar hún heyrði suð. Hmm, hugsaði litla rauðhærða húsmóðirin, flugvél núna? Nei það passar ekki, og var stöðvuð í miðri hugsum þegar einhvað loðið straukst hótandi við vanga hennar. Skelfingu lostin áttaði hún sig á ógninni þegar hún leit í augu býflugu sem var um það bil höfðinu hærri en hún sjálf og horfði ógnandi á hana.
Án þess að hika henti hún þvottinum frá sér og hljóp eins og fætur toguðu inn í öruggt skjól íbúðarhúsnæðisins og skellti á eftir sér hurðinni.

Já. Þeir sem lifa sig inn í örsögur vita mögulega kannski hvernig þessi upplifun var. Eitt orð fyrir hina: Skelfingarógnarhræðilegt.

En, sumarið er í höfn. Þetta leit illa út á tímabili þegar skyndilega byrjaði að snjóa hjá mér, en eftir eindregna og ítrekaða ósk um endurkomu vorsins gekk þetta allt upp.

Viðbót

2008-04-03T09:01:00.000-07:00

Það er líka gott að hafa karlmann þegar maður gleymir að borga rafmagnsreikninginn og rafmagnið er bara sísvona tekið af.

Ljótu rafmagnskallar!

Kona án karlmanns..

2008-03-27T17:03:00.000-07:00

er eins og fiskur án reiðhjóls heyrði ég einhverntíman.

Þetta getur alveg átt við, nema þegar köngulær kíkja í heimsókn. Þá vantar mig einhvern mér sterkari. Og þegar maður keyrir á fugl og hann er fastur á bílnum manns. o_O

Líka þegar elda þarf páskamatinn.

Ég kveikti í purunni, drekkti kartöflunum, eyðilagði salatið... Já það er ekki auðvelt að vera ég, eða börnin mín.

Ég hef aldrei verið neitt mótfallin hvítum lygum í uppeldi. Þegar klukkan sló sjö hér, vissi ég alveg að þó hún væri bara sjö hér, þá væri hún klárlega átta annars staðar og sendi börnin í rúmið.

Mér fannst það klókt.

Maðurinn minn the feeder.

2008-03-12T03:13:00.001-07:00

Undanfarið ár hef ég skorið af mér 35 kg af fitu, það var ekkert auðvelt en vá hvað það er gaman.
Nú er maðurinn minn augljóslega orðinn hræddur um sína eigin konu, hann sendi mér 2 risastór páskaegg, vitandi það að orðið sjálfsagi er mér algerlega framandi þegar ég kemst í tæri við íslenskt súkkulaði.

Auðvitað hef ég nokkra kosti, ég get fryst annað eggið og átt það til fyrir seinni tíma súkkulaði kreiving, ég gæti jafnvel gefið einhverjum ólánsömum íslending það sem ekki á mann sem er feeder, ég gæti meiraðsegja hent því.

Ég á ekki eftir að gera neitt af því sem ég taldi upp. Mín ágiskun er sú að ég eigi eftir að vera búin með annað eggið fyrir páska.

Það flækir græðgina í mér svolítið að eiga svona stór börn, þeir fylgjast alveg með því að páskaeggið mitt sé heilt og óétið. Ég náði, eftir mikið erfiði, að sannfæra þá um að kötturinn hafi opnað plastið. Með hitaða skeið að vopni náði ég að opna tappann á egginu og er búin að tæma það. Auðvitað er það öllum fyrir bestu að eggið sé tómt á páskum, alveg nóg súkkulaði sem fer inn fyrir mínar varir þá, hugsa að ég yrði bara uppstökk og leiðinleg ef nammið innan úr kæmi á sama degi.

Jæja, þá er að fjölga ræktar dögum og lengja æfingar *dæs*

Leiðinlegasta við að eiga börn.

2008-03-11T06:48:00.000-07:00

Er klárlega þegar þau verða veik.

Börnin mín eru að öllu jöfnu alveg gífurlega hraust, sem dæmi þá hefur sú tæplega 2 ára orðið veik 3 á allri sinni ævi, fyrsta skiptið var þegar hún var rétt að verða ársgömul!

En næstu 2 skipti voru núna fyrir alltof stuttu. Hún byrjaði.. Næstur kom barn B, núna er barn C.

Afþví að barn C er ekki nema 4 ára þá er ég svakalega föst heima, og hann er svo sannarlega ekki skemmtilegasti sjúklingurinn.

En jæja. Við fengum gest í morgun. Könguló sem var á stærð við meðalstóran nýbura. Ég ryksugaði hana upp og hef ekki enn þorað að slökkva á ryksugunni þrátt fyrir að vera búin að ryksuga upp tæplega heilan pakka af hrísgrjónum og allt ryk sem ég fann í húsinu.

Lélegasti bloggari í Danmörku?

2008-03-09T09:22:00.001-07:00

Getur það verið ég? Já..

Djamm, gaman, vei.

Komum heim kl 5 í morgun með djúsí djamm mat. Æðislegt.

Jæja já

2008-02-02T09:37:00.000-08:00

Er þetta gömul fyrirsögn eða er farið að slá út hjá mér?

Ég er auðvitað alveg harðdugleg húsmóðir, eins og alþjóð ætti að vera kunnugt um. Nema reyndar þegar kemur að þrifum og tiltekt. Það er alls ekki mín deild. Maðurinn minn er eðlilega orðinn þreyttur á endalausu ryki og drasli hér og þar, þóttist hafa fundið frábæra leið til að skjóta á mig, sagðist vera að skoða það að kaupa sjálfvirka ryksugu fyrir mig.

Hann fattaði ekki alveg að mér er alveg sama þó mér finnist leiðinlegt að ryksuga, mér er líka alveg sama þó allir viti það, ég hoppaði hæð mína af gleði og ánægju.

Svo fattaði ég að hann var að skjóta og hafði ekki nokkurn hug á að kaupa töfratækið fyrir mig. Ég hef ekki talað við hann síðan og ætla mér ekki að tala við hann fyrr en ég fæ alvöru ryksugu sem gerir hlutina sjálf.

Suma daga er samt eins og húsmóðurgenið yfirgefi mig. Í dag er einn af þeim dögum.
Ég er búin að baka 3 uppskriftir af bollum sem klikkuðu allar. Ég eldaði grjónagraut sem brann. Krakkarnir eru gersamlega stjórnlausir.

Málið gæti mögulega kannski verið það að í stað þess að sofa eins og aðrar húsmæður gera á nóttunni þá spila ég póker fyrir pókerpeninga á netinu, já og daðra létt við annarra þjóða karlmenn. Mér finnst gaman að daðra, ég fæddist daðrandi.
Stundum á daðrið þó til að koma mér í smá vandræði.

Karlmenn taka hlutunum stundum aðeins of alvarlega fyrir minn smekk. Eitt pókerkvöldið fann ég alveg gasalega myndó norðmann sem leit út fyrir að vera nokkuð góður makker í pókerdaðri.
Í enda kvöldsins vorum við búin að lofa hvoru öðru ævilöngu trausti á pókerborðum. Gott ef við vorum ekki pókergift líka.
Því miður hélt sæti norsarinn minn að pókerdaður, pókertryggð og pókerbrúðkaup gæti allt eins átt við í raunveruleikanum. Einhvernvegin áskotnaðist honum msn adressan mín og ég hef verið að reyna að losa mig við hann síðan. Svona í alvöru, hvað er að mönnum sem nota ekki block/delet á væntanlegar kærustur sem eiga eftir allt 4 börn?

En jæja. Á meðan hann mætir ekki á svæðið þá er þetta eflaust allt í góðu.

Vertíðarbyrjun

2008-01-18T15:18:00.000-08:00

Ég er gasalega skipulögð að einu leiti, engu öðru.

Börnin mín eru fædd öll fyrstu 5 mánuði ársins. Óska eftir einu barni fæddu í mars sem ég get ættleitt.

Á sunnudaginn er fyrsti í afmæli. Svolítið erfitt að bjóða fyrir drenginn sem er að verða 4 ára því ómannblendnara barn finnst varla held ég, en við rétt björguðumst fyrir horn þegar hann hafði eignast 2 kærustur á fimmtudag og það vill svo heppilega til að þær eru báðar tvíburar, ekki samt í sama tvíburateyminu.

Auðvitað er húsð eins og eftir loftárás og ég á eftir að baka allt. Þess vegna sit ég núna og hlusta á Celine Dion og spila póker.

Allt í lagi, ef í hart fer þá býð ég uppá saltstangir og læt strákana taka til. Viss um að þeir geta það...

Annars er allt gott í danaveldi. Komnir sprotar í blómabeðin og vor lykt í lofti. Verður varla ljúfara.

Í fjötrum hversdagsins.

2008-01-16T02:55:00.000-08:00

Alein og yfirgefin.

Ég fór á foreldrafund í morgun. Tók hana Unni mína með mér til halds og trausts, fólk á það til að tala í akkorði hérna og þá skil ég hvorki upp né niður, það væri þess vegna hægt að láta mig skrifa undir aflausnar bréf fyrir Saddam Húsein.

Allavega þá gleymdi annar kennarinn sér og við Unnur þurftum að bíða í alveg heilan hálftíma, sem var allt í lagi, við erum giftar konur og kunnum að bíða.
Sú seina fékk svo mikinn móral yfir seinkuninni að hún kom við í bakaríi og keypti bakkelsi til að hafa með fundinum.
Því miður var fundarefnið þannig að það tók okkur örfáar mínútur að afgreiða það. Auðvitað vorum við lengur að borða brauðið og ekki gátum við setið í þögn (veit ekki alveg afhverju, tal er stórlega ofmetið) þannig að kennarinn tók þann pól í hæðina að tala aftur og aftur og aftur um sama hlutinn bara með mismunandi orðalagi. Ég veit alveg rosalega vel og í mörgum orðum núna að kennarinn vil að frumburðurinn fari í eftirskólagæslu.

Fyrir þetta, já eða fyrir hálftíma biðina dró ég alla á fætur á hárinu, tróð í föt og stöffaði af einhverju matarkyns á hálftíma í morgun. Venjulegur morgun tekur okkur sirka einn og hálfan.

Jú, ég datt í andskotans póker í gærkveldi og gat bara ekki hætt að spila fyrr en spilapeningarnir voru búnir sem hafði þær augljósu afleiðingar að ég vaknaði alls ekki við klukkuna í morgun.
Ég hefði klárað mikið fyrr en af einhverjum orsökum virðist ég vekja upp vorkun hjá spilafélögum sem kepptust við að gefa mér peninga. Fyrir vikið á ég alveg hrúgu af nýjum feisbúkk vinum, ég er kurteis og vel upp alin.

Jæja. Synirnir eru í gæslum og skóla, drottningin að endurskipuleggja stofuna og ég hangi hér. Einhver þarf að taka það að sér að skamma mig því ég hef ekki nokkurt vit á að skammast mín..

Danir og íslendingar.

2008-01-02T08:56:00.001-08:00

Við íslendingarnir hér í Danmörku liggjum undir stanslausu áreiti sjálfumglaðra dana sem halda að okkur sé ekki alveg sama um einhvern andskotans fótbolta.

Við höfum komið okkur upp orðatiltæki sem þaggar all snarlega niður í sjálfumgleðinni : If you can't beat them, buy them.

Við megum nú sjálf gera grín að okkur sjálfum, svona eins og hafnfirðingarnir sem eru með hafnarfjarðarbrandarana á takteinunum.

Tveir gaurar frá Íslandi dóu og vakna upp í helvíti.

Daginn eftir tékkar Djöfullinn sjálfur á þeim og sér að þeir sitja í mestu makindum í úlpunum sínum, með vettlinga og húfur og orna sér við eldinn.

Djöfullinn spyr þá hvað þeir séu eiginlega að gera?
Er ekki nógu heitt íhelvíti fyrir ykkur ?
Gaurarnir svara, "Sko, þú veist, við erum frá Íslandi, landi snjós,íss og kulda. Við erum bara ánægðir að fá smá yl í kroppinn.

"Djöfullinn ákveður að þeir séu nú ekki að þjást nóg svo hann skrúfar upp hitann.
Morguninn eftir kíkir hann aftur á gaurana tvo og þarna sitja þeir ennþá í úlpum með húfurnar og vettlingana ennþá á.
Það er nú ferlega heitt hérna,finnst ykkur það ekki?
Aftur svara gaurarnir því til að þeir komi jú frá Íslandi, landi snjóa, íss og kulda, við erum bara fegnir að fá smá yl í kroppinn !

Það fór nú að fjúka nett í Kölska og hann ákveður að jafna örlítið um þessatvo gaura. Hann fer og setur hitann á "Fáránlegt".

Fólk fer að veina og vælaút um allt helvíti.

Hann fer svo og kíkir á gaurana tvo frá Íslandi og sér að þeir eru komnir á skyrtuna með upprúllaðar ermar og eru að grilla pylsur og þamba bjór.Djöfsi verður steinhissa

" Allir hérna inni þjást og veina, en þið virðist bara njóta ykkar?

"Já sko, það er svo hrikalega sjaldan að við fáum svona gott veður heima á Íslandi, að við urðum bara að grípa tækifærið og grilla aðeins og súpa á öli.

Alveg óður af bræði, strunsar Djöfsi í burtu og hugsar málið.

Að lokum kemst hann að þeirri niðurstöðu að þessir gaurar hafi verið að krókna allt sitt auma líf á Íslandi, þess vegna eru þeir svona kátir yfir öllum hitanum.
Djöfullinn ákveður að skrúfa fyrir allan hitann í öllu Helvíti.Daginn eftir er orðið ískalt í Helvíti og héla og grýlukerti allsstaðar.Fólki orðið svo kalt að það gat varla gert neitt annað en veinað og aumkaðsér yfir kuldanum. Tannaglamur yfirgnæði samt að mestu veinin.
Djöfullinnglotti með sjálfum sér og fór að kíkja á gaurana frá Íslandi.Þar eru þeir komnir í úlpuna, húfuna og með vettlingana á sér...en Djöfsa til mikillar furðu, eru þeir að hoppa og öskra Ole ole af mikilli gleði !?

Ég skil ekki, sagði Djöfsi, ég skrúfaði hitann upp úr öllu valdi og þið voruð bara ánægðir og núna er bullandi frost hérna og þið bara öskrandi afgleði?? Hvað í fjárnaum er að ykkur tveim?

Íslendingarnir líta á Djöfsa með spurn í augum, " Ha, veistu það ekki? Ef það frýs í helvíti, þýðir það bara að Íslendingar hafa unnið Dani loksins áParken!"

Stóru jólin

2007-12-26T15:36:00.000-08:00

Stóru jólin eru hjá mér, eins og eflaust fleirum.

Við eigum 4 börn. Frumburðurinn á aðra fjölskyldu á Íslandi og var þar, þau 3 yngri hjá okkur.

Við fengum nákvæmlega 5 mín og 8 sek til að klára jólamáltíðina áður en börnin misstu algerlega stjórn á sér í pakka æsingnum og fóru að rífa af okkur diskana til að koma þeim í uppþvottavélina.

Ég skil þá, ég man alveg eftir mér á þessum aldri og ég man kvölina þegar pabbi naut þess að vera extra lengi að reykja eftir máltíðina. Mamma er skilningsríkari og dreif þetta svolítið af, hann er bara kvikindi sko.

Ég hef alltaf verið spennt fyrir innpökkuðum hlutum, það er eitt sem hefur ekkert breyst með árunum. Í dag hef ég vissan hemil á mér, en ég get þó ekki staðist það að kíkja ef það blasir við mér.
Þannig var það ekki þegar ég var krakki. Ég fann mér upp pottþétta leið til að plokka upp límböndin og sjá það sem var hulið, ein jólin gekk ég m.a.s svo langt að ég var búin að prufa jólagjafirnar nokkrum dögum fyrir jól. Þetta veit þó enginn, mér þætti vænt um að þetta rataði ekkert lengra en bara okkar á milli.

Eins var ég snillingur í að finna smákökurnar. Mamma bakaði voðalega góðar kökur með súkkulaðidropa ofaná, dropinn var bestur. Þrátt fyrir margvíslega felustaði og tilraunir til að loka boxunum fyrir okkur fann ég alltaf upp leið til að opna og taka dropana ofanaf öllum kökunum.

Ég var ekki bara lúmsk, heldur líka lygin. Þetta fattaði enginn fyrr en mörgum árum síðar þegar við sistkynin sátum að spjalli með foreldrum okkar, öll orðin fullorðin.

Ég vona að börnin mín erfi þetta ekki frá mér. Þau reyndar komast ekkert í kökurnar því ég borða þær jafn óðum. Komast heldur ekki í pakkana því ég fel þá þar sem ég hef tækifæri á að skoða þá í rólegheitum.

Maðurinn minn þekkir þessa hlið á mér vel. Honum hefur sjaldan tekist að koma í veg fyir að ég með útsjónarsemi (ergo, lygum og svikum) komist að því hvað hann gefur mér. Eina skiptið sem það hefur tekist hjá honum var jólin sem ég var ólétt (sem eru reyndar fleiri en færri) og hafði troðið nærfötunum sem voru ekki í fílastærð aftast í nærfataskúffuna, þar faldi hann skartgripa box.
Nú hefur hann gefist upp og vil að við gefum hvort öðru bara sameiginlegar gjafir. Ég er ekki eins hrifin en er sagt að ég geti sjálfri mér um kennt.

Jæja. Þetta var meira bara svona hugleiðing.

Gleðilega hátíð allir saman.

Litlu jólin.

2007-12-15T10:15:00.000-08:00

Það styttist óðum í litlu jólin mín, eftir aðeins 4 daga verður fjölskyldan sameinuð á ný með heimkomu húsbóndans. Stuttu síðar verðum við svo splundruð aftur með "heim"för frumburðarins.
Því miður má gera ráð fyrir því að ég detti aftur í blogg lægð þegar hann kemur heim, þá skal fólk ekki búast við svona örum bloggum hérna hjá mér.

2 af sonum mínum eru í leikskóla. Þar gera þeir fallegar handunnar gjafir fyrir foreldra sína. Þessar gjafir hefur alltaf verið skemmtilegast að opna af öllum. Æ ég lýg, mér finnst mikið skemmtilegra að sja hvað eiginmaðurinn gefur mér, en þessar fylgja fast á eftir.

Í síðustu viku beið mín pakki í hólfi yngsta sonar, ég tók upp pakkann og sagði honum glöð frá því hvað ég hlakkaði ógurlega til að opna pakkann hans. Þá hrópaði hann (hann hrópar alltaf þessi, held það sé hóp syndrom) JÁ ÞETTA ER SKO MYND AF MÉR!

Daginn eftir var svo pakki í hólfi eldri sonarins. Ég fór auðvitað með alla rulluna aftur um tilhlökkun og spenning. Hann var ekki alveg eins opinn og bróðir sinn, heldur ákvað að gefa mér hint. Dularfullur á svip sagði hann mér að þetta væri mynd.

Nuuú, mynd sagði ég. En hvað það er spennandi.

Já, þetta er mynd af einhverju sem byrjar á H.

Ég þuldi upp einhverja hluti sem byrjuðu á H en minntu ekkert á nafnið hans.. sem byrjar jú á þeim staf.

Eftir nokkrar tilraunir vorkenndi litli bróðirinn stóra bróður svo mikið að hann ákvað að hjálpa. ÞETTA ER MYND AF HALLIIII!

Ég sá alla drauma og vonir miðjunnar brotna og stór tár læðast úr augunum, eitt augnablik hélt ég að hann myndi brotna niður og fá taugaáfall (hann er gjarn á það) en það var bara eitt.. blik.. Vonir mínar um að þetta yrði leyst með bara vægu taugaáfalli urðu að engu þegar drengurinn vatt sér að bróður sínum með kreppta hnefa.

Hefur þú reynt að stoppa slagsmál á milli bræðra og stýra bíl?

En allt í lagi, ég veit allavega að ég fæ 2 myndir af sætum strákum í jólagjöf.

Veit líka að ég fæ allavega 2 bækur, 4 ef ég tel þær með sem eru stílaðar á aðra en mig.
Að sjálfsögðu er mest varið í bókina Enginn má sjá mig gráta eftir þann stórsnjalla mann Jón Trausta. En ekki hvað.

Yfir og úr.

Hah

2007-12-04T23:47:00.000-08:00

Leti.
Köttur í tré.
Jólagjafir.
Jólaskraut.
Bakstur.
Át.
þvottur.
Skítur.
Drulla.

Thats me.

Hér er ég..

2007-11-14T08:51:00.000-08:00

Alive and kicking :)

Við fjölskylduna hefur bæst eitt stykki músaveiðari. Ég er mjög glöð.
Haldinn var fjölskyldufundur þar sem allir fengu að stinga uppá nöfnum, og drottningin látin draga. Úr varð að aumingja kötturinn heitir Ipot Dúlla.

Ég hef eignast 3 stráka, mannastráka sko, þeir hafa allir átt að heita Brimir. Einhvernvegin æxluðust hlutirnir svo þannig að Brimir passaði ekki við hin nöfnin þeirra, kötturinn átti líka að heita Brimir.
Ég veit núna að maðurinn minn hefur unnið markvisst að því að enginn heiti Brimir. Ég hef meiraðsegja grun um að hann hafi mútað drottningunni til að draga ekki Brimismiðann. Hann sagði mér eftir 5 ára hjónaband að honum findist það ljótt nafn, er þetta ekki deal braker? Á ég ekki rétt á framfærslu í einhver ár, og að hann borgi fyrir sálfræðimeðferð?

Svíþjóðarferðin er í hættu. Barnapian er jafn rugluð og ég, ruglaði saman dagsetningum og kemst ekki. ¨Hún benti mér á aðra sem ég ætla að skoða.

Jæja, síðasta kvöldmáltíð eiginmannsins er að hefjast. Á morgun fer hann á vit ævintýranna á Eskifirði að vinna, eða fara á elliheimili.

DV og vinkona mín.

2007-10-25T15:26:00.001-07:00

Eins og þið vitið þá er nú enginn slor ritstjóri á DV, þess vegna datt mér hann strax í hug þegar ég heyrði í vinkonu minni sem er í voðalega leiðinlegum málum núna.

Svandís mín býr í íbúð á vegum félagi einstæðra foreldra. Útveggur hjá henni hefur alltaf lekið, en fyrir ekki svo löngu fór að bera á heilsubrest hjá henni og allavega einu barni (af 3), Dísin sjálf alltaf slöpp og barnið farið að nota púst.
Dísin, sem er eðlilega klár stelpa enda vinkona mín, rakti heilsubrestinn til rakans.

Hún fór á fullt, búin að bíða í 3.5 ár eftir félagshúsnæði, bíðandi í alltof lítilli lekri íbúð, en ekkert gerist. Þá kom súperpabbi inn.

Í gær var umfjöllun um hennar mál, í dag var hún kona dagsins hjá DV, um helgina kemur stórt viðtal við hana um það sem á daga hana hefur drifið. Þó ég kallist stundum stórslys er ég langt í frá það versta sem hún hefur þolað blessunin.

Þeir sem hafa áhuga á að kynnast Dísinni minni nánar (ættu að vera margir) geta kíkt hér: http://www.smjattpatti.blog.is/

Annars hefur fátt á daga mína drifið núna. Minn ektamaki er enn heima þannig að ég sef. Jú og ég er komin með heimþrá. Nú skula allir leggjast á bæn um að húsið mitt seljist sem fyrst svo ég get glatt ástkæra foreldra mína og vini með ljúfri nærveru minni yfir jól.

Lélegur bloggari ég.

2007-10-21T03:57:00.000-07:00

Hef sosum ágæta afsökun, kallinn er heima.

Ég fór á danskt djamm á laugardagskveld. Það var.. spes.

Við sáum konur sem klæddu sig í stíl amerískra diskó teka úr lélegri B-mynd. Við sáum fólk í blettóttum fötum, við sáum vel klætt fólk.

Skemmtilegur munur frá íslensku djammi þar sem allir eru eins.

Þetta var nú þó stutt, við vorum komnar heim fyrir 2, enda gamlar konur með takmarkað úthald.

Svo förum við til Svíþjóðar í Nóvember, dúddamía hvað ég hlakka til!

Nenni ekki...

2007-10-13T05:30:00.000-07:00

Neinu.

Mig langar út að djamma.

Mig langar í pening.

Hey ú ég keypti lotto!
Verð að vinna.

Ó hvað fólk getur verið heimskt.

2007-10-10T11:27:00.000-07:00

Rakst á þetta innlegg á www.barnaland.is

Vessgú:

brauðmylsna 10. október '07, kl: 18:20:23 Alls sótt: 32
þessir flóttamenn
er einhver sem er á móti því að flytja þetta flóttafólk inn?? ég er allavega á móti því, það er gert meira fyrir þetta fólk heldur en okkur sem erum frekar illa stödd, velferðasvið(eða félagsþjónustan) gerir lítið fyrir mann og svo er allt gert fyrir þetta fólk það þarf ekki að vinna neitt strax allar íbúðirnar sem aðrir gætu notað heldur en útlendingar (flóttafólk) mér finnst þetta til skammar af reykjavíkurborg að gera þetta þegar margir eru að bíða eftir íbúð ég er allaveganna brjáluð

Aumingjans manneskjan átti víst ekki til pening fyrir séð og heyrt þessa vikuna.

Samtal.

2007-10-04T04:35:00.000-07:00

Ég sat á móti mínum heittelskaða og var að senda honum linka á msn.
Þá leit hann upp og sagði: Ég get ekki talað við þig núna, ég er að tala við frænku á msn.
Ó sagði ég, en það er hægt að tala við fleiri en einn í einu, ég er t.d að tala við 7 núna.

Ég hef sjaldan, jafnvel aldrei hlegið jafn mikið.

Ég á nýja tengdadóttur.
Við mæðgin sátum saman í rólegheitum að horfa á söngvamyndband þar sem Birgitta Haukdal ljáði sína fögru röddu.
Drengurinn leit upp og sagði lotningarfullur "mamma, er hún ekki sæt"
Jú svaraði ég, hún er ákaflega falleg kona.

Þá stóð hann upp og sagði ákveðinn " Ég ætla að giftast henni!" leit svo á mig og spurði með þó fullvissu í röddu "hún á ekkert mann er það nokkuð??"

Ég er bara glöð með það að hann skuli vera hættur við mig sem hann hélt fast í að giftast lengi vel.

Jæja þá

2007-09-28T14:21:00.000-07:00

Ég þakka fyrir afmæliskveðjur. Ég fékk m.a.s hamingjuóskir með að vera loksins farin að tilheyra flokki fullorðinna. Ég held að þar sé átti við fullorðna í meiningunni gamlir.

Heilsan fer mjög greinilega hrakandi, enda ekki við öðru að búast þegar kona er komin á þennan aldur. Til öryggis fékk ég mér staf í dag.
Ég þarf eiginlega að fara að ákveða hvar ég ætla að búa í framtíðinni, nú fer ég að komast á síðasta snúning með elliheimilispláss.

Ég pantaði fyrir eiginmanninn á Eskifirði, hann á eftir að pluma sig vel þar.

Að öllu gamni slepptu þá var þetta ákaflega ljúfur afmælisdagur. Aldrei slíku vant þá neitaði ég næstum því að baka, bakaði bara uppáhalds kökuna mína fyrir mig, sendi minn heittelskaða út í bakarí eftir fleiri veisluhöldum.
Ég baka annars alltaf.. ég bakaði fyrir óvæntu veisluna sem haldin var fyrir mig þegar ég varð 25 ára.

Það er langt gengið.

Min fødelsdag

2007-09-27T00:03:00.000-07:00

I dag er min fødelsdag. Ua Ua Ua :)

Alveg satt. Ég er gömul og héðan frá liggur leiðin aðeins niður á við. Nema ég verði klár og fái mér ungt viðhald.

Skólinn

2007-09-24T12:45:00.000-07:00

Ég fór í nýja skólann minn í dag. Fór reyndar bara til að ná mér í umsóknareyðublað og hitta Guðnýju.

Það tók mig 3 korter að koma litlu rúsínurassgata englunum mínum úr rúminu. Það tók þau 3 korter að borða.

OMG ég verð að skipuleggja... skipuleggja.. skipuleggja..

MAMMAAAA!

Listin að taka til.

2007-09-19T13:15:00.001-07:00

Ég er ekki mjög skipulögð manneskja.

Fyrir heimsókn forfeðra varð ég að taka til, ellegar hefði móðirin snúið við í dyrunum og haldið heim á leið aftur. Þrátt fyrir heilmikinn vilja og ótrúlega viðleitni tekst mér bara aldrei að hafa allt voðalega fínt, allavega ekki eins fínt og við mamma viljum.

Á meðan á dvöl þeirra stóð skutlaði ég karli föður mínum til Álaborgar til að sækja bíl. Ferðin tók klukkutíma og á meðan var ástkær móðir mín heima með börnin mín og barnið sitt.

Þegar ég kom til baka var eldhúsið mitt alveg gasalega fínt, á hennar mælikvarða og mínum...

Ég hallast að því að húsmæðragenið hafi aldrei komið í mig. Eiginlega ætti ég að kenna mömmu um því hún hefði eðlilega átt að koma einhverju af sínu yfir í mig. Það er allavega alveg klárt að hún kann listina við að taka til.

Ný færsla

2007-09-17T02:41:00.000-07:00

Forfeður, systir, Álaborg, Zoo.

Ef kynóðir geitungar reyna virkilega að koma nálægt mér með sinn saurlega hugsunarhátt þá verð ég sko reið og læt pabba lemja þá.

Jánú

2007-09-13T12:21:00.000-07:00

Nú eru skaparar mínir og litla örverpið þeirra stödd á sama landi og ég. Það er góð tilfinning, ég væri ekki nema 6 tíma að skutlast til þeirra núna..

..En það ætla ég ekki að gera, ég er sannur kvenmaður og læt fólk koma til mín.

Við mæðgur skemmtum okkur vel á morgnana þegar við njótum lífsins bara tvær; Hún öskrar, ég læt sem ekkert sé. Við skruppum í mæðgnaferð til Hjørring og skruppum í búðir, mér finnst full ástæða til að venja hana sem fyrst.

Þar fann drottningin sér forláta kápu, bleika með loði. Það var ekki nokkur leið að ná henni af dömunni.. Hún var keypt. Ég hef oggulítinn grun um að ég sé að for-frekja hana, grunurinn er samt svo nettur að ég get alveg þaggað hann niður.

Það er nú það. Öllum er frjálst að benda mér á þessa færslu þegar ég er að taugaáfalli komin vegna gelgju hjá drottningunni.

2007-09-09T13:48:00.000-07:00

Fyrsta helgarfrí eftir leikskólabyrjun. Póstur og sími vældu um að fá að fara í leikskólann, drottningin vældi því þeir voru að væla, frumburðurinn var til friðs, enda var honum mútað af örþreyttri, útúrtaugaðri og hálfsköllóttri móður-ómynd.

Góðu fréttirar eru þær að það eru aðeins 6 dagar, bráðum 5, þar til forfeðurnir koma, amman með stáltaugarnar, og afinn sem talar þá í kaf. Enn betri fréttir eru að senn líður að afmæli ritara, þá verður höfuð fjölskyldunnar kominn heim.

Trúir því annars nokkur maður að ég sé að verða þrítug? Ekki trúi ég því, ég sé enn ungling í speglinum, það má þó vera að ég sé hjúpuð verndandi og samúðarfullri afneitun.

Það er svo. Engin stórslys, aldrei slíku vant.

Alltaf sama framkvæmdargleðin hér.

2007-09-05T15:21:00.001-07:00

Ég er nýlega flutt í annað land. Hef ekki alveg komist í að skrá bílinn minn í nýja landið og tryggja hann.

Mér varð á þau afdrifaríku mistök að minnast á þetta við vinkonu í áheyrn eins þriggja sona minna.

Hann nýtti sér tækifærið í dag til að hrella mömmu sína svolítið og skellti hurðinni hjá sér svona líka myndarlega í næsta bíl.

Ég varð að skilja eftir miða, helvítis heiðarleikinn í mér.

Póstur og sími voru dregnir grenjandi út af leikskólanum í dag. Ég límdi fallegt bros á varirnar, vonaði að enginn tæki eftir tryllingslegu augnaráðinu og hvæsti út á milli brosvaranna að þetta væri sko ekki vegna þess að ég væri leiðinleg.

Því miður hefur strákunum ekki enn tekist að kenna kennurunum íslensku þannig að það skildi mig enginn...

Hvernig í ósköpunum á ég að geta orðið reið við svona ljósálf?

Lögbann á daga?

2007-09-03T11:16:00.000-07:00

Í dag var fyrsti dagur pósts og síma á leikskólanum. Þeir skemmtu sér svo konunglega að ég dró þá grenjandi út.
Ég bjarga mér við fóstrurnar með ensk/dönsku. Gengur ágætlega, þeim gengur illa að koma sér útúr enskunni greinilega því þær tala alltaf ensku við strákana þó ég sé marg búin að taka það fram að þeir skilji ekki boffs í ensku. Þeir horfa stórum augum á fólkið, og endurtaka í sífellu einu enskuna sem þeir kunna; Ðatt is kúl.

Ég vil fá það í gegn að ég geti fengið lögbann á daga eins og gærdaginn og dagdaginn.

Í gær lögðum við stórfjölskyldan land undir fót og ætluðum að skella okkur í sund. Ég er sönn nútímakona og fann mögulega baðstaði og leiðar þangað á netinu.

Við fundum götu sundlaugarinnar sem stefnan var tekin á. Ekki sundlaugina sjálfa. Rúntuðum hring eftir hring eftir hring. Að lokum gafst ég upp og tók stefnuna á aðra sundlaug sem ég var þó ekki alveg viss um hvar var. Við komumst þangað, til að aðstoða sundlaugarvörðinn við að skella í lás.

Jæja, við ákváðum að koma okkur bara heim í sveita sæluna.
Þar beið okkar kjúklingur, vildi ólmur komast í ofninn.

Reyndar var hann svo ólmur að hann sló rafmagnið af í sífellu.

Ekkert sund, enginn kjúlli.

Dagurinn í dag var lítið skárri. Nema hvað ég endaði á að finna þó búðina sem ég þurfti að fara í . Eftir mikið ævintýri.

Á morgun ætla ég að vera heima.

Oft held ég mig meiri en ég er.

2007-09-01T15:08:00.000-07:00

Ég bý úti í sveit. Næsti bær er sirka 4 km frá mér.
Í dag hrúgaði ég samtals 50 kg í formi 3 barna á hjólið og aftaní það og skellti 4. barninu á sitt eigið hjól og við ákváðum að hjóla til Polstrup.

Ég var rétt komin útúr heimreiðinni þegar ég gat vart mælt fyrir mæði. Börnin reyndu ítrekað en árangurslaust að ná sambandi við mig. Áfram hélt ég.

Ég barðist, móð, másandi og sveitt.

Að lokum féll ég örmagna niður í grasið og stundi á þennan sjálfstæða: Far þú áfram vinur, bjargaðu sjálfum þér! Hann möglaði svolítið þangað til ég bauð honum að skipta. Þá fór hann, yfirgaf móður nær dauða en lífi.

Á leiðinni heim reyndi ég að endurskipuleggja röðunina á hjólinu, uppskar mikið kvein þegar drottningin sjálf var tekin úr hásætinu og sett í raðir óbreyttra borgara aftan í kerrunni. Það breytti engu.

Það er næsta víst að héðan verður ekki hjólað fyrr en allavega 2 börn eru komin á sjálfstæð hjól. Ég hef ekkert úthald.

Einnig hef ég komist að því að reykingar eru alls ekkert eins hættulegar og menn vilja láta. Á síðkvöldum á ég það til að vera góð við mig og reykja í eldhúsglugganum, ég hef púað 3 sígarettur á könguló sem iðin spinnur vef, hún er sprell lifandi.

Jáh. Hér bíða allir spenntir komu forfeðra og systkins.

Uh

2007-08-31T12:15:00.000-07:00

3 dagar.. 3 dagar.. 3 dagar..

9 ára sonur minn er farinn að túlka fyrir mig. Gerist það mikið verra?

telj

2007-08-29T09:10:00.000-07:00

Ég komst alein inn í hjörring áðan. Þrefallt húrra fyrir mér. Það hefði verið enn skemmtilegra ef þetta hefði ekki verið fíluferð :)

LEIKSKÓLINN byrjar hjá strákunum eftir mánaðar mót eða nákvæmlega 5 daga, bráðum 4. Mikið skelfilega hlakka ég til..

Fréttir á fréttir ofan

2007-08-28T11:56:00.000-07:00

Gummi er farinn á sjó. Ég fer í Álaborgar háskóla í febrúar. Þ.e ef þeir vilja fá mig, sem ég efast nú ekki um, góður fengur hér á ferð lol

Meðvitaðar morðtilraunir?

2007-08-26T10:25:00.000-07:00

Síðustu daga hef ég tekið eitt af 4 börnum mínum vel fyrir.

Ég hennti honum úr sófa, úr bíl, skellti bílhurð á hausinn á honum og úti dyrum.

Hann tók um hálsinn á mér við síðasta slysið og kjökraði "mamma, þú átt að vera GÓÐ við mig!"

Spurning hvort ég fari að snúa mér að næsta barni bara.

Fólk í matinn

2007-08-25T15:36:00.000-07:00

Við fengum fyrsta fólkið í matinn í dag. Þau smökkuðust ágætlega.

Foreldrafundur

2007-08-23T12:43:00.000-07:00

Við fórum á foreldrafund í skólanum, eða það var okkur sagt.

Ég hef meiri trú á að þetta hafi verið ólympíuíþróttakeppni, takmarkið verandi að tala sem hraðast og lengst, skiljast sem minnst.

Ég hef ekki verið nær því að skófla dótinu aftur í gám og fara heim.

En hey, ég er komin með skype!
Hver vill spjalla?

Djös

2007-08-22T12:42:00.000-07:00

MÝ! Réðist á manninn minn, búið að taka allt gott úr honum og ræðst þá á litla skrímslið mitt.
Ég er komin í drápsham. Handklæði, vasaljós og morð æði. Verði ykkur að skít og drullu.

Sommerland

2007-08-19T10:41:00.000-07:00

Er sko málið. Hef ekki enn jafnað mig eftir svaka rússíbanana.
Hallur hélt hann myndi deyja, Reynir kreysti aftur augun og fékk samt illt í magann, Jakobíne er spennufíkill á við mömmuna.

Engir geitungar reyndu fjölgun á neins armi.

Zoo

2007-08-08T02:55:00.000-07:00

Hvernig ætli maður beri sig að því að fara í mál við zooið í álaborg?
Gummi minn varð fyrir óbætanlegum skaða þegar 2 geitungar stóðu á hans handleg í mjög svo innilegum stellingum. Að sjálfsögðu á hann seint eftir að jafna sig, getur vart unnið eða hugsað um börnin. Að auki er ég að hugsa um að skilja við hann því ég get ekki horft á hann án þess að sjá geitung.

Annars var þetta mjög skemmtilegt. Við sáum gíraffa, ljón, fíla og svo lengi má telja. Þetta var mjög spes, sérstaklega miðað við það að eini dýragarðurinn sem við höfum farið í er húsdýragarðurinn. Nota bene þá voru engar kindur þarna..

Það var mikið..

2007-08-06T02:21:00.000-07:00

Að ég komst hingað inn! Ekki alvega að gera sig að gleyma aðgangsupplýsingum hér :Þ

Hér gengur alllt vel. Ég skoðaði húsið okkarí gær, það er gamalt.. settt upp þannig að þú ferð í gegnum eitt rými til að komast í næsta rými. Mjög spes.
Húsið var einhverntíman barnaskóli! Aldrei að vita nema smá viska búi í veggjum.
Umhverfið er æði. Ágætur garður með eplatrjám :)
Barnafjölskyldur búa 2 við okkur skilst mér.

Við allavega prufum þetta. Færum okur bara ef okkur líkar ekki :)

Aðeins meira

2007-07-30T17:14:00.000-07:00

Við förum í Norrænu núna á fimmtudag, mér skilst að við séum í 2 daga að sigla. Lendum þá í Hanstholm og keyrum í húsið okkar, sirka 30 mínútna akstur.

Skæruliðar spenntir, ég stressuð, Gummi að heiman. Hann sleppur alltaf svo vel.

Föðurlandssvikari bloggar

2007-07-30T16:31:00.000-07:00

Já það er ég. Allt mitt komið í gám og ég að flýja land.

föðurlandssvikari

Reykjavíkurferð plönuð.

Manngæska.

Show off!

Ástin og lífið

Dularfulla hvarfið- KEPPNI

Erill daganna.

Bara til að hafa þetta allt á hreinu

Nýr skriftarstaður

Rosir og radisur

Annar í þrítugsafmæli.

jahá

Nýr áfangi

Jæja þá

Hver sullaði stubbabúðingnum?

Oh hvað ég er íslensk.

Wuhuuuu

Ooog það var mark!

Erfitt að ýta á takka

"Vilt stelpu eða strákadót?"

Voteygður hvolpur

Minni á.

Jájá

Lífið í svefni.

Ég heyri mjög vel.

Sumarið kynnir komu sína sannarlega.

Viðbót

Kona án karlmanns..

Maðurinn minn the feeder.

Leiðinlegasta við að eiga börn.

Lélegasti bloggari í Danmörku?

Jæja já

Vertíðarbyrjun

Í fjötrum hversdagsins.

Danir og íslendingar.

Stóru jólin

Litlu jólin.

Hah

Hér er ég..

DV og vinkona mín.

Lélegur bloggari ég.

Nenni ekki...

Ó hvað fólk getur verið heimskt.

Samtal.

Jæja þá

Min fødelsdag

Skólinn

Listin að taka til.

Ný færsla

Jánú

Alltaf sama framkvæmdargleðin hér.

Lögbann á daga?

Oft held ég mig meiri en ég er.

Uh

*telj*

Fréttir á fréttir ofan

Meðvitaðar morðtilraunir?

Fólk í matinn

Foreldrafundur

Djös

Sommerland

Zoo

Það var mikið..

Aðeins meira

Föðurlandssvikari bloggar

telj